Bogalay Trip 04

05-08-2008(Mawlamyinegyun Trip)

၀၅-၀၈-၂၀၀၈ (မော်လမြိုင်ကျွန်းမြို့နယ်၊ မိတ်သလင်ကုန်းကျေးရွာ) သို့ သွားရောက်လှူဒါန်းခဲ့သော မှတ်တမ်း

ငါတို့ အရင်တစ်ခေါက် မေလတုံးက ဖျာပုံကို သွားလှူဘို့လို့ ငါးခြောက်တွေကြော်တော့ ထန်းတစ်ပင်ကျောင်း ဆရာတော် ဦးသုဇာတက သူ့ကျောင်းမှာ လာကြော်ဘို့ ဒေါ်ခင်အေးမူကတဆင့် ပြောခိုင်းတာ မှတ်မိတယ် မဟုတ်လား။ သူ့ကျောင်းမှာက ရေမီးအားလုံးပြည့်စုံတယ်၊ လူအင်အားလည်း သူစုပေးမယ် ဆိုတာ။ အဲဒီတုံးက စကားစပ်ရင်းနဲ့ ဘုန်းကြီးကပြောတယ်။ သူတို့ရွာက လူတော့မသေဘူး။ ဒါပေမဲ့ ရွာလုံးကျွတ် ပျက်စီးသွားတယ်။ ဘာမှမကျန်ခဲ့ဘူး။ ဒီတော့ ရွာမှာ အရေးတကြီး ရေသောက်စရာလိုနေတာနဲ့ သူက သူ့မှာရှိတဲ့ပိုက်ဆံနဲ့ပဲ အ၀ီစိတွင်း (လက်နှိပ်တွင်း) သွားတူးပေးလိုက်တယ် လို့ပြောတယ်။
သူက သူတို့ရွာက တွဲဘက်အထက်တန်းကျောင်းမှာ ဘေးပတ်ဝန်းကျင်ကရွာ ၁၅ ရွာလောက်က ကလေးတွေ ကျောင်းလာတက်ကြတယ်။ ကျောင်းမှာ မုန်တိုင်းတိုက်လို့ ပျက်စီးသွားတယ်။ ခုတော့ ဖြစ်သလို စာသင်နေကြရတယ်။ ကျောင်းအနေနဲ့တော့ အကုန်လိုတာပဲ။ ကလေးတွေအတွက် စာအုပ်တို့၊ ခဲတံတို့ကစ မရှိဘူး ဖြစ်နေတယ်။ အဲဒါ ဖြစ်နိုင် ရင် ကူညီပါအုံး လို့ ပြောလာတော့ ငါလည်း နင့်ကိုလှမ်းအကြောင်းကြားရတာပဲ။ နင်က စားဘို့သောက်ဖို့ ဆန်လည်း လှူချင်တယ်၊ ရေတွင်းလည်း လှူချင်တယ်။ ကလေးတွေအတွက် စာအုပ်စာတမ်းတွေလည်း ၀ယ်ချင်တယ် ဆိုတော့ ငါ ဘုန်းကြီးကို ပြန်လျှောက်တယ်။
ဘုန်းကြီးက ဆန်အတွက် သူမော်ကျွန်းက သူ့ဒါယိကာ ဆန်ဆိုင်ကိုလှမ်းမှာပေးမယ်။ ပိုက်ဆံကိုတော့ သူ့ကျောင်းကဦးဇင်းက တာဝန်ယူပြီးလွှဲပေးမယ်။ အလှူအတွက် ရွာကိုသွားဘို့ သူ့ဒါယိကာတွေကားကို စီစဉ်ပေးမယ် တဲ့။ ဒီတော့ ငါတို့တိုင်ပင်တယ်။ အလှူငွေက ၁၂ သိန်းပဲ ရတာဆိုတော့ ဘယ်လိုခွဲကြမလဲပေါ့။ ရေတွင်းတူးဘို့ တစ်သိန်း သုံးမယ်။ ဒေါ်ခင်အေးမူနဲ့ ငါနဲ့ပေါင်းပြီး တစ်တွင်းတူးပေးမယ်။ နောက်ပြီး ဆန်အိတ် ၂၀ ၀ယ်မယ်။ တစ်အိတ်ကို ၁၆၀၀၀ ဈေးတဲ့။ မော်ကျွန်းကနေ အဲဒီရွာကို ဆန်အိတ်ဘိုးရော၊ လုပ်အားခရော၊ မော်တော်ဘိုးရော အားလုံးပေါင်း ၃သိန်း၊ ၃ သောင်း၊ ၅ထောင် ကျတယ်။ ကျန်တာကို ကလေးတွေအတွက် စာအုပ်၊ ပုံနှိပ်စာအုပ်၊ ဘောပင်၊ ခဲတံ၊ ခဲဖျက်၊ ကွန်ပါဗူး၊
ပေတံ စတာတွေဝယ်တယ်။
ကျောင်းအတွက် စာအုပ်နဲ့ စာရေးကိရိယာတွေတော့ ငါနဲ့ မူမူနဲ့ သိမ်ကြီးဈေးမှာ ၀၄-၀၈-၂၀၀၈ နေ့က သွားဝယ် တယ်။ ၅ ရက်နေ့မှာသွားဘို့ပဲ။ ငါဝယ်ထားတာ ဗလာစာအုပ်ကတင် ဒါဇင် ၄၀၀၊ နောက်ပြီး မုံ့တွေ ချိုချဉ်တွေလည်း တော်တော်များတယ် ဆိုတော့ ည ၁၀ နာရီလောက်ကျတော့ ဘုန်းကြီးက သူ့ဒါယိကာကားကတော့ မဆန့်တော့ဘူး။ ကားတစ်စီး သပ်သပ်ငှားပါ လို့ ဖုံးဆက်လာတယ်။ ဒါနဲ့ ငါလည်း ငါတို့နဲ့အတူတူလိုက်မဲ့ ဒို့ရပ်ကွက်ထဲက ပေါင်ချိန် (သူက အရင်လှူတာတွေမှာကတည်းက ငါတို့ကို အမြဲလာကူနေကျ) ကို ကားသွားငှားခိုင်းရတယ်။ ငှားတော့ ကားခ နှစ်သိန်းခွဲ နဲ့ တည့်တယ်။
၀၅-၀၈-၂၀၀၈ နေ့ကျတော့ မနက် ၂ နာရီ အိပ်ယာထ၊ ပြင်ဆင်ပြီး ၃ နာရီခွဲမှာ ခရီးစထွက်ဖြစ်ကြတယ်။ ခုတစ်ခေါက်တော့ တခြားလူတွေ မပါဘူး။ ငါရယ်၊ ဂွမ်း(ကျွန်တော့်ညီမ အငယ်ဆုံး) ရယ်၊ မြတ်ထားရယ်၊ ပေါင်ချိန်ရယ်၊ စုစုပေါင်း လေးယောက်။ အောင်မယ်လေး၊ လှိုင်သာယာက စထွက်ပြီဆိုကတည်းက ဆိုးလိုက်တဲ့ လမ်းဟာ၊ မပြောပါနဲ့ တော့။ မိုးရေစားသွားလို့ ဖြစ်နေတဲ့ချိုင့်ကြီးတွေဆိုတာ ဒူးလောက်နက်တယ်။ မနည်းဆိုမှ မနည်းရှောင်မောင်းရတယ်။ တချို့နေရာတွေဆို ရှောင်စရာကိုနေရာမရှိဘူး။ ချိုင့်ထဲပဲ ဖြတ်မောင်းရတာပဲ။ မအူပင်ရောက်တော့လည်း ဆိုးတာပဲ။ ဖျာပုံ နဲ့ ဘိုကလေး ကတော့ ပြောစရာ့ကို မရှိတော့ဘူး။ အဆိုးတကာ့ထိပ်ခေါင်။
လူတွေဆိုတာ ဟိုစကားပုံကြားဖူးတယ်မဟုတ်လား။ စကောထဲ ဇီးဖြူသီးထည့် လှိမ့်ထားသလို ဆိုတာ။ အဲဒီ ဇီးဖြူသီးကမှ နည်းနည်းတော်အုံးမယ်။ ငါတို့မှာ အထက်အောက်ဆောင့်လိုက်၊ ဘေးဘယ်ညာ ယိမ်းလိုက်။ ရှေ့ဘက် ၀င်တိုးလိုက်၊ နောက်ဘက်ရောက်သွားလိုက်။ ရင်ခေါင်းတွေလဲအောင့်။ ခေါင်းတွေလည်းမူး။ တင်ပါးတွေဆိုတာ ကြိမ်းလိုက်တာ မပြောပါနဲ့တော့။ ကားသမားလေးက ခပ်ငယ်ငယ်။ သူ့ခမျာလည်း ထိန်းတော့မောင်းတာပဲ။ ဒါပေမဲ့ ဒီလောက်ကြမ်းနေတဲ့ လမ်းကို ဘယ်လိုလုပ် ထိန်းမောင်းလို့ရမလဲ။ ဖြေးဖြေး ဖြေးဖြေးပဲ မောင်းရတာပေါ့။ ဒါနဲ့ပဲ ဘိုကလေးကို ညနေ ၅ နာရီလောက် ရောက်သွားတယ်။ လူတွေဆိုတာလည်း ငြုပ်ဆုံထဲ ထည့်ထောင်းထားသလို ဖွတ်ဖွတ်ညက်ညက်ကို ကျေနေပြီ။ ပင်ပန်းလိုက်တာလည်း မပြောပါနဲ့တော့။ ဂွမ်းက အရမ်းနေကောင်းလှတာ မဟုတ်ဘူး။ သြော်-သူလည်း လိုက်ပြီးတို့လှူတာ ကြည့်ရအောင်လို့ တစ်ခေါက်တလေ ခေါ်မိပါတယ်။ ငါ့ဟယ်၊ သူ့ကို အားနာလိုက်တာ မပြောပါနဲ့တော့။ ဒို့ကတော့ အရင်အတွေ့အကြုံတွေနဲ့ ထုသားပေသား ကျနေပြီကိုး။
တို့နဲ့အတူတူသွားတဲ့ ဘုန်းကြီးဒါယိကာကားက ကောင်းလို့ နည်းနည်းမြန်မြန် မောင်းလို့ရတော့ သူတို့က ဘိုကလေးကို အရင်ရောက်နှင့်နေတာပေါ့။ တို့ ဘိုကလေးကိုရောက်သွားတော့ သူတို့ ရွာမှာ ပစ္စည်းတွေဝေပြီး ပြန်တောင် လာပြီ။ တို့ကားက လမ်းမှာ ဘီးပေါက်လို့ လဲနေရသေးတာကိုး။ ဒါနဲ့ ငါတို့လည်း လာကြိုတဲ့မော်တော်နဲ့လိုက်သွားတာ ဘိုကလေးကနေ ညနေ ၆ နာရီလောက် ဆက်ထွက်ကြတယ်။ ရွာရောက်တော့ ည ၈ နာရီနဲ့ ၁၅ မိနစ်။ တို့လည်း ရောက်တော့ ရေမိုးချိုး၊ အ၀တ်အစားတွေဘာတွေလဲ၊ ထမင်းစားပြီး စကားစနေ နည်းနည်းပါးပါးပြော။ နောက်တော့ ပင်ပန်းတာနဲ့ ည ၁၀ နာရီလောက်မှာ အိပ်ယာဝင်ကြတယ်။
အဲဒီအိမ်က ကျောင်းဆရာ့အိမ်လို့ ပြောတယ်။ အိမ်က ကွမ်းသီးတိုင်တွေ၊ ကွမ်းသီးသားတွေနဲ့ ဆောက်ထား တယ်။ အလှူရှင်တွေလာလှူထားတဲ့ မိုးကာစတွေနဲ့ မိုး၊ကာ ထားတယ်။ ဒို့လည်း အလှူရှင်တွေ လာဝေထားတဲ့ စောင်တို့၊ ခြင်ထောင်တို့၊ ခေါင်အုံးတို့နဲ့ အိပ်ခဲ့ရတယ်။ အတွေ့အကြုံသစ်ပေါ့ဟယ်။
မနက် ၆ နာရီ အိပ်ယာကထ။ သူတို့ကြော်ထားတဲ့ ခေါက်ဆွဲကြော် မနက်စာစား။ စားသောက်ပြီးတော့ ဆန်ကို အရင်ဝေတယ်။ ဆန်ဝေပြီးတော့ ကျောင်းကိုသွားကြတယ်။ ကျောင်းမှာ ကလေးတွေကို ဗလာစာအုပ် အရင်ဝေတယ်။ အထက်တန်း ကျောင်းသားကျောင်းသူတွေကို တစ်ယောက် တစ်ဒါဇင်စီ။ အလယ်တန်းတွေကို တစ်ယောက် ၆ အုပ်စီ။ မူလတန်းကလေးတွေကိုတော့ တစ်ယောက်ကို ၃ အုပ်ကျစီ ဝေပေးတယ်။ ၅တန်း ကလေးတွေကိုတော့ တစ်ယောက် ကွန်ပါဗူးတစ်ဗူးစီ ထည့်ဝေတယ်။ ကျောင်းသားကျောင်းသူအားလုံးကို တစ်ယောက် ဘောပင် ၃ ချောင်း၊ ခဲတံ ၃ ချောင်းကျစီ ဝေပေးလိုက်တယ်။ ပုံနှိပ်စာအုပ်ကတော့ အားလုံးအတွက် လောက်မှာ မဟုတ်ဘူး။ ဒီတော့ မရှိတဲ့ကလေး တွေကို ကြည့်ရှု ဝေပေးလို့ရအောင် ဆရာတွေ၊ ဆရာမတွေပဲ အပ်ထားခဲ့လိုက်တယ်။
သူတို့ကပြောတယ်။ ခုလို ကလေးတွေအတွက်ဆိုပြီး တစ်ခါမှ လာမလှူဖူးဘူးတဲ့။ ခုလိုလာလှူလိုက်တော့ ဗလာ စာအုပ်အတွက် အတော်လေး ဖူလုံသွားတာပေါ့။ နောက်ပြီး တို့က ကလေးတွေအတွက် မုံ့တွေ ချိုချဉ်တွေလဲ ဝေသေး တာကိုး။ ဆရာဆရာမတွေရော၊ ကလေးတွေရော အားလုံး ၀မ်းတွေသာကြလို့ဟေ့။ တကယ့်ကို ပျော်စရာကြီးပဲ။ ကျောင်းမှာက ကျောင်းသားဦးရေ စုစုပေါင်း ၆၀၀ လောက် (၅၉၃ယောက်) ရှိတယ်။ ကျောင်းမှာက လပတ်စာမေးပွဲ အမြဲတမ်း စစ်နေရတယ် ဆိုတော့ မေးခွန်းထုတ်ဖို့ အခက်အခဲ ရှိတယ်။ သူတို့ဆီမှာ လက်နှိပ်စက်မရှိတော့ ဖယောင်း စက္ကူကို လက်နဲ့ ဖောက်ပြီး မီးချောင်းနဲ့ လှိမ့် သုံးနေရတာ လိုက်ပြတယ်။ ကျောင်းအုပ်ဆရာမကြီးက ဖြစ်နိုင်ရင် လက်နှိပ်စက် ကလေးပါ လှူဘုိ့ မေတ္တာရပ်ခံတယ်။ (မမထံမှ ဤကဲ့သို့ကြားလိုက်ရသည်နှင့် တပြိုင်နက် ချက်ခြင်းပင် ကျွန်တော်က မမကို အင်္ဂလိပ် လက်နှိပ်စက်၊ ဗမာလက်နှိပ်စက်နှင့် စာကူးစက် (Gestener) များဈေးကို စုံစမ်းခိုင်း လိုက်ပါသည်။ မမက ကျွန်တော်တို့ အလှူလုပ်သည့် အခါတိုင်း ၀ယ်နေကျ ဂန္ဓမာဆိုင်တွင် သွားရောက်စုံစမ်းပါ၏။ လက်နှိပ်စက်က နှစ်သိန်းခွဲ၊ စာကူးစက်က ငါးသိန်းခွဲ ဟု ပြောပါသည်။ ဆိုင်ကလည်း ကျွန်တော်တို့ လှူဘို့ဝယ်မှန်း သိသည်နှင့် အိုလံပီယာ ကောင်းသောစက်များကို ပေးလိုက်မည်။ သို့သော် ဆေးပြန်မှုတ်ချင်သေး၍ ဗုဒ္ဓဟူးနေ့မှ လာရန် ပြောလိုက်သည် ဆို၏။ ထို့ပြင် စနေဓမ္မမိတ်ဆွေများအဖွဲ့မှ လှူဒါန်းသည် ဆိုသော စာတမ်းပါ ထိုးပေးမည် ဟုလည်း သိရပါသည်။ စက်များပို့ရန် ကိုမူ ဘုန်းကြီးက တာဝန်ယူမည် ဖြစ်ပါ၏။ ဆရာမကြီးတော့ အတော့်ကို ၀မ်းသာရှာလိမ့်မယ် ဟေ့ ဟု မမက ပြောပါ သည်။ ဆရာမကြီး ၀မ်းသာတာကနောက်၊ သူတို့လိုအပ်နေတာကို လှူလိုက်ရခြင်းအတွက် ကျွန်တော် ၀မ်းသာတာက အရင် ဖြစ်ပါသည်။)
ဝေပြီးပြီးချင်း ဘုန်းကြီးကို သင်္ကန်းတွေကပ်ကြတယ်။ အားလုံးပြီးလို့ ပြန်လာတော့ ၉ နာရီကျော်။ လမ်းမှာ ကန့်ကော်တစ်ထောင် ကျောင်းကိုဝင်ကြတယ်။ သူတို့ဓါတ်လုံးလိုချင်လို့တဲ့။ ဘာမှမဆန်းပါဘူးဟယ်။ သူတို့ပေးလို့သာ ငါ ယူထားလိုက်တာပါ။ သူတို့ဓါတ်လုံးက ကိုယ့် ကံဉာဏ် ၀ီရိယလောက် စွမ်းပါ့မလား။ ပန်းထိမ်ဆိုင်မှာ အပ်လိုက်ရင် ရပါ့။ အဲဒီမှာတင် တော်တော်ကြာသွားတယ်။ အဲဒီကနေ ဆက်ပြန်လာတော့ ဘိုကလေးကို နေ့လည် ၁၂ နာရီလောက်ရောက်။ ဘိုကလေးမှာပဲ နေ့လည်စာ ထမင်းစားကြတယ်ပေါ့။ စားသောက်ပြီး နာရီပြန် ၁ ချက်တီးလောက်မှာ ဆက်ထွက်လာခဲ့ကြ တယ်။
လပွတ္တာမှာတုံးက စခန်းတွေမှာ သောက်ရေသန့်စံနစ်တွေ တွေ့ခဲ့ရတယ်။ UNDP လိုအဖွဲ့တွေနဲ့ နယ်စည်းမခြား ဆရာဝန်များအဖွဲ့တွေကလည်း ဆေးတွေဝေ၊ ဆေးကုပေး စသဖြင့် လုပ်ကြတယ်။ လပွတ္တာမှာ အိမ်ငှားထားပြီး အလှည့်နဲ့ ရွာတွေကို ဆေးထွက်ပြီး ကုပေးကြတယ်။ အခု ဘိုကလေးမှာလည်း အဲဒါမျိုးတွေ တွေ့ရတယ်။
ဖျာပုံရောက်တော့ ည ၈ နာရီကျော်နေပြီ။ အဲဒီမှာပဲ ညစာစားလိုက်ကြတယ်။ အပြန်ကျတော့ မအူပင်လမ်းက ကြမ်းလွန်းလို့ အဲဒီလမ်းအစား ဒေးဒရဲ၊ ကွမ်းခြံကုန်းဘက်က လှည့်ပြန်တယ်။ အဲဒီဘက်က လမ်းနည်းနည်းကောင်းတာ တွေ့ရတယ်။ ကားသမားလေးက သူတစ်ယောက်ထဲ အလှည့်မရှိပဲ တောက်လျှောက် မောင်းလာရတော့ ပင်ကလည်း ပင်ပန်းပြန်၊ ညဥ့်ကလည်း နက်လာပြန်၊ နားကလည်း မနားရဆိုတော့။ သူလည်း သူကိုယ်သူ ပါးတွေလိမ်ဆွဲလိုက်၊ ခေါင်းကို ရေတွေနဲ့လောင်းလိုက်၊ လုပ်လာတာပဲ။ နောက်ပြီး အနားမှာက ဘုန်းကြီး။ စကားပြောဖော်ကလည်း မရှိ။ အားလုံးကလည်း အိပ်ငိုက်လာတာ ဆိုတော့ သူ့ကိုယ်သူ ဘယ်လိုမှ မဟန်နိုင်တော့ဘူး။ ည ၁ နာရီလောက်လဲကျရော၊ လှိုင်သာယာတံတား မရောက်ခင်လေးမှာ လမ်းဘေးရပ်ထားတဲ့ လမ်းကြိတ်စက်ကြီးကို တည့်တည့်ကို ၀င်တိုက်တော့တာ ပဲဟေ့။ ကံကြီးပေလို့ အကုန်သေမကုန်တယ်။ ကားကလည်း ဖြေးဖြေးလေးမောင်းလာလို့ တော်တော့တယ်။ မသေလို့ တွေ့ရ မေ့နိုင်ပါရိုးလား ဖြစ်ကရော။
တို့လည်း ကားသမားလေးရော၊ ဘုန်းကြီးရော၊ ကားရောထားခဲ့ပြီးပြန်ခဲ့ကြတာ အိမ်ကို နာရီပြန် နှစ်ချက်တီး ကျော်မှ ပြန်ရောက်တော့တယ်။ သွားခဲ့သမျှ ဒီခရီးကတော့ တကယ့်ကို အမှတ်တရပဲဟေ့။ နောက်နေ့ကျတော့ သူတို့ပြန် ပြောပြတာ၊ ကားသမားလေးက မိုးလင်းရင် ရဲတွေနဲ့ ဇယားရှုပ်တော့မှာမို့ ညတွင်းချင်းပဲ ကားကို ရန်ကုန်ပြန်ဆွဲလာရ တယ် တဲ့။ သူလည်း ကားငှားလို့ရတဲ့ ပိုက်ဆံနဲ့ ပြင်ရတဲ့စရိတ်နဲ့ ကိုက်မှ ကိုက်ပါ့မလားမသိဘူး ဆိုပြီး ဘုန်းကြီးပြောတာ နဲ့ ငါလည်း သူ့ကို သုံးသောင်း ထပ်ပေးလိုက်သေးတယ်။ တို့က ပထမဘုန်းကြီးက သူ့ဒါယိကာ ကားနဲ့သွားမယ် ဆိုတော့ အလှူငွေအားလုံးကို ပစ္စည်းတွေ ၀ယ်ပစ်လိုက် တာပေါ့။ သွားခါနီး ည ကျမှ ဘုန်းကြီးက ကားမဆန့်တော့လို့ ငှားပါဆိုတော့ ကားငှားခ ငါပဲ စိုက်လိုက်ရတယ်။ နင်တို့ ပြန်ပေးတော့လည်း ကောင်းတာပေါ့။ မပေးတော့လည်း ငါတို့အလှူပဲ သဘောထားရတော့မှာပေါ့။ (စနေဓမ္မမိတ်ဆွေများ အဖွဲ့ ရံပုံငွေတွင်လည်း ရံပုံငွေလက်ကျန် တော်တော်များများ ရှိသေးရာ ထိုရန်ပုံငွေများမှာ စ စုစဉ်ကတည်းက လမ်းစရိတ် အပါအ၀င် အထွေထွေအသုံးစရိတ်များ အတွက်ဖြစ်သဖြင့် ကျွန်တော်က ကားငှားခကို ထိုအထဲမှ ထုတ်ယူသုံးစွဲ လိုက်ပါသည်။)(မဟုတ်ပါက ဆံထုံးလည်းစိုက်ရ၊ ဆီလည်းစိုက်ရ ဆိုလျှင် သိပ်တွက်ခြေ မကိုက်ပါ။)