နာဂစ်လေဘေးဒုက္ခသည်များအတွက် သွားရောက်လှူဒါန်းခြင်းမှတ်တမ်းများ အမှတ် (၂)
နိဒါန်း
ကျွန်တော့်မှာ လုပ်စရာကိုင်စရာ၊ ဖတ်စရာ၊ ရေးစရာများဖြင့် အတော်မအားလပ်နိုင်အောင် ရှိပါသဖြင့် နာဂစ် ဒုက္ခ သည်များအား သွားရောက်လှူဒါန်းခြင်း မှတ်တမ်းများကို တေး သာထားပြီး ရေးခန်းသို့ မရောက်ခဲ့ပါ။ ယခု အခြားကိစ္စ များကို ခေတ္တရပ်ထားပြီး နာဂစ်အတွက် ရေးရန် အကြွေးကျန်နေသည်များကို ရေးလိုက်ပါ၏။ သိပ်ကြာလျှင် မေ့ကုန်မှာ စိုးရသည်။ ယခုတောင် တော်တော်များများ မေ့ကုန်ပြီ။ ကျွန်တော်တို့က သည်ဘက်က ပိုက်ဆံစုပေးရုံသာ တတ်နိုင်ပြီး တကယ် ကိုယ်ထိလက်ရောက် သွားရောက်လှူဒါန်းသူများမှာ ကျွန်တော့်နှမများဖြစ်သဖြင့် ကျွန်တော်က သူတို့ပြောပြ သမျှ ဖုံးထဲက နားထောင်ပြီး ပြန်ရေးရခြင်းဖြစ်သဖြင့် ကိုယ်တိုင်ကိုယ်ကျ လုပ်ခဲ့သူများလောက်တော့ အသေးစိတ် မကျ နိုင်ပါ။ ကိုယ်ကိုယ်တိုင်လုပ်ခဲ့သူများ ကတော့ မိမိတို့ ဘာလုပ်ခဲ့သည်များကို အသေးစိတ် မှတ်မိနေမည်ဖြစ်သော်လည်း တဆင့် ပြန်နားထောင်ရသော ကျွန်တော့်အဖို့ သူတို့ပြောသမျှ အားလုံးမှတ်မိဘို့ မလွယ်လှပါ။ (လူချင်းတွေ့မေးရလျှင် တော့ ကျွန်တော် က အသံသွင်းထားလေ့ရှိပါသည်။ သို့သော် ဖုံးနှင့်ပြောတာကျတော့ အသံသွင်းဘို့ သိပ်မလွယ်လှပါ)။
တကယ်လုပ်သည့်အခါတွင်လည်း ပြောသလောက် မလွယ်လှပါ။ အခက်အခဲ မျိုးစုံနှင့် တွေ့ရပါသည်။ ရာသီဥတု မကောင်းတာက အစ၊ လမ်းမကောင်းတာ အလယ်၊ ဆက်သွယ်ရေးခက်ခဲတာ အဆုံး။ ကိုယ်တိုင်လုပ်သည့်အခါကျမှ သည် ဒုက္ခသုက္ခများကို သိနိုင်မည်။ ပါးစပ်နှင့်ပြောနေရုံမျှဖြင့် နားမလည်နိုင်။
နောက်ပြီး လုပ်ရင်းကိုင်ရင်း တွေ့လာရသည်မှာ လှူဒါန်းခြင်း၏ ဘေးထွက် ဆိုးကျိုးဖြစ်ပါသည်။ သူများလာလှူတာ အချောင် စားနေရသောအခါ အလုပ်မလုပ်ချင်ကြတော့ခြင်း ဖြစ်ပါ၏။ အလုပ်လုပ်ဘို့ လယ်သမားများက လာငှားသော အခါတွင် နည်းမျိုးစုံဖြင့် ပညာပြနေပါတော့၏။ လုပ်ခကို မတန်တဆ တောင်းလိုတောင်း။ ဖင်နာတယ်၊ ရင်နာတယ် ဆိုလိုဆို။ နောက်ပြီး နင်တို့ဟာ လုပ်ရမှ ငါတို့စားရမှာ မှတ်လို့၊ ငါတို့အလုပ်မလုပ်လဲ အလှူရှင်တွေ အမြဲရှိနေတာပဲ ဟု ပြောသေးသည် ဆို၏။ မမျိုးပြောသည်ကို ဤကဲ့သို့ ပြန်ကြားရသောအခါ ကျွန်တော့်စိတ်ထဲတွင် တခါတခါ စေတနာ တောင် ပျက်ပျက်သွားပါသည်။ သို့သော် လယ်များမထွက်ခင်တော့ သူတို့စားစရာရှိမည်မဟုတ်။ ဘာပဲဖြစ်ဖြစ် လှူမြဲ လှူနေရဦးမည် ဖြစ်ပါသည်။
သည်တစ်ခေါက် မမတို့ ပြင်စလူ သွားလှူရာတွင်မတော့ တော်တော်လေးကို ဒုက္ခများခဲ့ကြပါသည်။ အဆိုးဆုံးက မိုးသည်းထန်စွာရွာသဖြင့် လမ်းများ သွားမရတော့လောက်အောင် ပျက်နေခြင်း ဖြစ်ပါ သည်။ “ချိုင့်ကြီးတွေ ဆိုတာဟယ်၊ တစ်ခုတစ်ခု ဒူးလောက်၊ ခါးလောက်တွေ နက်ပါရဲ့” ဟု မမက ပြန်ပြောပြပါသည်။ ထို့ပြင် “ငါတို့မှာ ကံကောင်းလို့ မသေ တယ်။ အပြန်ကျတော့” ဟုလည်း သည်းထိတ်ရင်ဖိုဖွယ်များကို ပြောပါသေး၏။ သူရေးပေးလိုက်သော မှတ်တမ်းများနှင့် ကျွန်တော်မှတ်မိသမျှ ပေါင်းစပ်ကာ အကောင်းဆုံး ဖြစ်အောင် ရေးလိုက်ပါ၏။
ကျွန်တော်တို့ စနေဓမ္မမိတ်ဆွေများအဖွဲ့ မှ ကောက်ခံရရှိငွေများအပါအ၀င် အခြားအလှူရှင်များ၏ အလှူငွေ အားလုံးကို ဧရာဝတီတိုင်းမှ နာဂစ်ဒါဏ်ခံ ဒေသများသို့ စားစရာ၊ သောက်စရာ၊ အ၀တ်အထည်၊ အိမ်ဆောက်ပစ္စည်း၊ ငါးပိငါးခြောက်မှ အစ၊ အိုးခွက် ပန်းကန်၊ ဒါး၊ ရေဒီယို၊ မြန်မာဆေးဝါး၊ လက်နှိပ်ဓါတ်မီး အလယ်၊ ဖယောင်းတိုင်၊ မီးခြစ်၊ စိပ်ပုတီး၊ ဘုရားရှိခိုးစာအုပ် အဆုံး ၀ယ်ခြမ်းကာ စေတနာ ဗလပွနှင့် သွားရောက် လှူဒါန်းခဲ့ကြပါသည်။
မုန်တိုင်းကျပြီဟေ့ ဆိုသည်နှင့် ထို ဒုက္ခသည်များအတွက် ဘာလုပ်ပေးရင် ကောင်းမလဲ ဟု ကျွန်တော့်မှာ ခေါင်းခြောက်အောင် စဉ်းစားလျှက် အင်တာနက်သတင်းများကို ဖတ်ရှု စနည်းနာရင်း သူငယ်ချင်းများနှင့် တိုင်ပင်ကာ အလှူငွေများကို ကျွန်တော်တို့ တတ်စွမ်းသရွေ့ လိုက်လံကောက်ခံ ပါသည်။ ထို့နောက်တော့ အစားအစာ ကို ပထမ ဦးစားပေး၊ အ၀တ်အထည် နှင့် အိုးခွက်ပန်းကန် များကို ဒုတိယ ဦးစားပေး၊ နောက်ဆုံးမှ အိမ်ဆောက်ဖို့နှင့် သက်မွေး ၀မ်းကျောင်း ကိရိယာများ၊ ကျောင်း အဆောက်အဦးများ ထောက်ပံ့ပေးရေး စသဖြင့် အစီအစဉ်များ ချမှတ်လှူဒါန်းခဲ့ပါ၏။
မုန်တိုင်းကျပြီးစ သွေးပူနေတုံးတော့ အလှူငွေ ကောက်ခံရတာကောင်းပါ၏။ နိုင်ငံတကာကလည်း အာရုံစိုက် နေချိန်ဆိုတော ကိုယ့် မြန်မာလူမျိုးများသာမက နိုင်ငံခြားသားများကိုပါ ကောက်ခံ လို့ အဆင်ပြေ ပါသည်။ သို့သော် မုန်တိုင်းကာလ လွန်မြောက်ပြီး တစ်လလောက် ကြာသွားတော့ အားလုံး သွေးအေးသွားပြီ ဖြစ်ရာ အလှူငွေ ကောက်ရ တာ အရင်ကလောက် တာမသွားတော့ပါ။ မုန်တိုင်းကျအပြီး တစ်လလောက်အကြာ ဒုတိယအသုတ်အနေနှင့် ကျွန်တော် အလှူငွေများလိုက်လံ ကောက်ခံတော့ ကျွန်တော်နှင့် အလုပ် အတူတူလုပ်နေသူ ဟော်လန်မှ လူကြီး တစ်ယောက်ကို သွား အလှူခံသောအခါ ဘာပြောလွှတ်သည် ထင်ပါသနည်း။
“ဟိုတစ်ခါ ငါ လှူပြီးပြီပဲကွ၊ မင်းကို အပတ်တိုင်း လတိုင်း လှူဘို့ရာ ငါ့မှာ တာဝန်မရှိဘူး” - ဟူ၏။ ကျွန်တော့်မှာ အတော်လေး အောင့်သွားပါသည်။ ကိုင်း၊ အလှူခံချင်အုံးဟ ဟုလည်း ကိုယ့်ကိုယ်ကို ပြန်ဆုံးမ ရပါ၏။ သူပြောတာရော မမှန်ပါလား။ လှူတယ်ဆိုတာ စေတနာ၏ အလုပ် ဖြစ်ပါသည်။ တာဝန် ၀တ္တရားနှင့် ဘာများဆိုင်ပါသနည်း။ (သူတို့အနောက်တိုင်းကလူတွေအဖို့ ဆိုင်လျှင်တော့လည်း မပြောတတ်ပါ။)
သူရို့လို နိုင်ငံခြားသားမပြောနှင့်၊ ကိုယ့်ဗမာ အချင်းချင်းတောင် အလှူခံလို့ မရပါ။ မသိချင်ယောင် ဆောင်နေသူ များပါသည်။ သူမလှူချင်မှန်းသိလျှင် ကိုယ်ကလည်း အလိုက်တသိနှင့် အသာလေး နောက်ဆုတ်ရပါ၏။
ဘာပဲပြောပြော ပထမတစ်သုတ်တော့ အတော်လေး ထည့်ဝင်လှူဒါန်းကြပါ၏။ ကျွန်တော်၊ ကိုနွယ်ဝင်း၊ ကိုမြင့်သိန်း တို့ စုတာ စင်ကာပူဒေါ်လာ တစ်သောင်းကျော်ရပါသည်။ သိပ်မများလှပေမင့် သိပ်နည်းလှသော ပိုက်ဆံ တော့ မဟုတ်ပါ။
ထိုကောက်ခံရရှိငွေများကို ရန်ကုန်မှ ကျွန်တော့်အစ်မကြီးထံပို့ကာ အ၀တ်အထည်၊ စားစရာများ စသဖြင့် လိုအပ်သည်များကို ၀ယ်ခြမ်းကာ မြောင်းမြရှိ ဒုက္ခသည် စခန်းများသို့ သွားရောက် လှူဒါန်းခဲ့ကြ ပါ၏။ ထိုသို့လှူဒါန်းရာ တွင် အဓိက ကူညီသူများမှာ မင်္ဂလာဈေးမှ မမျိုးမျိုးနှင့် အဖွဲ့ ဖြစ်ပါသည်။ သူတို့ မှာက ငွေအင်အား၊ လူအင်အား၊ ပစ္စည်းအင်အား တောင့်တင်းသဖြင့် သူတို့ကူညီပေလို့သာ ကျွန်တော်တို့ ချောချော မောမော လှူဒါန်းနိုင်ခဲ့ခြင်း ဖြစ်ပါ၏။ သို့အတွက် မမျိုးမျိုးတို့အဖွဲ့ကို အထူးကျေးဇူးတင်ရှိပါကြောင်းပါ ခင်ဗျား။
အေးငြိမ်း
၁၅-၀၉-၂၀၀၈
ကော့မှူးသို့ သွားရောက်လှူဒါန်းကြခြင်း (၂၆-၀၆-၂၀၀၈)
ဇွန်လလယ်လောက်တွင် ကျွန်တော် မမနှင့် ဖုံးပြောစဉ် သူက တွံတေးနှင့် ကွမ်းခြံကုန်းဘက်တွင် အစာရေစာ များပြတ်လပ်နေသည်ဟု သတင်းရကြောင်း၊ တွံတေးဘက်မှ လူကြီးသုံးလေးဦး စားစရာမရှိသဖြင့် ဆန်လာပြီး အလှူခံ ကြောင်း၊ ထမင်းချက်မစားရတောင် ဆန်ပြုတ်လောက်ကလေး ပြုတ်သောက်ရတောင် တော်ပါပြီ ဟု ပြောသည်ဆိုသဖြင့် ကျွန်တော့်မှာ ဘယ်လိုခံစားလိုက်ရမှန်းပင် မသိပါ။ သို့နှင့် ကျွန်တော်က ကိုယ်နှင့် နီးစပ်ရာသူငယ်ချင်းများသို့ အတင်း လိုက် အလှူခံရပြန်ပါ၏။ ကိုရေချမ်းက သူတို့အဖွဲ့တွေ ပြီးခဲ့သည့် အပတ်ကမှ ... ဆရာတော် (ဘွဲ့မမှတ်မိတော့ပါ) ကို လှူလိုက်ပြီးဖြစ်သဖြင့် သိပ်မသေချာကြောင်း၊ သူ အတတ် နိုင်ဆုံးစည်းရုံးပါမည့်အကြောင်း ပြောပါ၏။ သို့သော် တကယ် အလှူခံတော့ သူ့ဆီမှ ဆန် ၁၈ အိတ်စာ ရပါသည်။ ကျွန်တော်လည်း သူတို့ထံမှ စာရင်းကို အပူတပြင်း တောင်းပြီး သကာလ စနေဓမ္မမိတ်ဆွေများအလှူငွေ အပါအ၀င် ရသမျှအလှူငွေကို သူတို့ထံမှ ပိုက်ဆံ အရောက်စောင့် မနေတော့ပဲ လွှဲလိုက်ကာ မမကို တွံတေးသို့ ချက်ခြင်း သွားခိုင်းလိုက်ပါ၏။ ထုံးစံအတိုင်း မမျိုး တို့နှင့်အတူ ဖြစ်ပါသည်။
အလှူငွေ ကျပ် ၁၈၁၆၅၆၀ ရပြီး ရသမျှအားလုံးကို ဆန်ချည်းဝယ်သွားရာ ဆန်အိတ် ၁၀၀ ရပါ၏။ ဆန်မှာ အ၀ါရောင်ပေါက်နေပြီး အတန်ငယ် ညံ့သည် ဟု ဆိုပါသည်။ ကျွန်တော်က နောက်တစ်ခါဝယ်လျှင် ကောင်းသောဆန် ၀ယ်သွားရန် အကြံပေးပါ၏။ ဆန်အိတ် ၁၀၀ သာဆိုတယ်၊ ဝေလိုက်တော့ တစ်အိမ်ထောင် ကို သုံးပြည်စီပဲ ရတာဟဲ့ ဟု မမကပြောပါ၏။ အလှူကိစ္စအတွက် ဆန်အိတ်များသယ်ရာတွင် တွံတေးမှ စက် လှေက အကူအညီပေးပါ၏။ ကျွန်တော် က မမကို သူရို့လုပ်ခဲ့သည်များကို မှတ်တမ်းရေးခိုင်းထားရာ အောက်ပါ တို့မှာ သူရေးပေးလိုက်သော မှတ်တမ်းများ ဖြစ်ပါ၏။
၂၆-၆-၂၀၀၈ (ကော့မှူးကို နေ့ချင်းပြန်သွားခဲ့တဲ့ခရီး)
စနေဓမ္မမိတ်ဆွေများအဖွဲ့ က နင်ပို့လိုက်တဲ့ ၁၈ သိန်းကျော်ရယ်၊ မခင်သိန်းညွန့် က သပ်သပ်လှူတာ တစ်သိန်း ရယ်၊ အရင် ၀ိသာခါကျောင်းက ကျန်တာ ၃၇၅၀၀၀ ရယ် ပေါင်း ၂၂ သိန်းခွဲကျော် အလှူငွေ လက်ထဲမှာ ရှိတယ်ပေါ့။ လပွတ္တာက ရွာတွေက ခရီးလည်းဝေးတယ်။ လှူရမဲ့ရွာတွေလည်း များတယ်။ လူအသေအပျောက်လည်း များတယ် ဆိုတော့ သူ့ဘို့ များများချန်ထားပြီး ကော့မှူးဘို့ ၂၇၅၀၀၀ လပွတ္တာဘို့ သိန်း ၂၀ စသဖြင့် ခွဲလိုက်တယ်။ တွံတေးက ဆန်ပြတ်နေတဲ့သူတွေအတွက် ဒီမှာ ငါတို့ လိုက်ပြီးအလှူခံတာ ဒေါ်အိုင်းရစ်က ဆန် တစ်အိတ်၊ ဆရာမကြီး ဒေါ်ခင်မမ က တစ်အိတ်၊ အန်တီပြုံးတို့က တစ်အိတ်၊ ဦးသန်းအောင်က တစ်အိတ် ပေါင်း လေးအိတ်ရတယ်။ ကော့မှူးကိုတော့ ငါနဲ့ မြတ်ထားနဲ့ သွားလိုက်တယ်။
မျိုးမျိုးတို့အိမ်က ကားက နေ့လည်စာအတွက် ဒန်ပေါက် သွားဝယ်ရင်း ငါတို့ကိုလာခေါ်လို့ မနက် ငါးနာရီ လောက် မျိုးမျိုးတို့အိမ်ကိုသွားကြပြီး အဲဒီကနေမှ မနက် ၆ နာရီလောက်မှာ အစ်မကြီးဒေါ်လှစိန်တို့အိမ်မှာ မုံ့ဟင်းခါး စားကြတယ်။ မနက် ၇ နာရီလောက်မှ ရန်ကုန်က ထွက်ဖြစ်ကြတယ်။ ကော့မှူးက သွားရမဲ့ခရီးက လည်းနီးတယ်။ ဝေရမဲ့ ပစ္စည်းကလည်း နည်းပြီး အမယ်သိပ်မများတော့ အေးအေးဆေးဆေး ပေါ့ပေါ့ပါးပါးပဲ။
ခုတစ်ခေါက်သွားတာက မျိုးမျိုးတို့အိမ်က ဒိုင်နာနဲ့ သွားကြတာ။ ငါရယ်၊ မျိုးမျိုးရယ်၊ မျိုးမျိုးအစ်မ နှစ်ယောက် ရယ်၊ ဆွေဆွေရယ်၊ မအေးမိုးရယ်၊ F.M.I က မခင်မာကြည်ရယ်၊ ကိုသူရရယ်၊ ခြောက်ထပ်ကြီးက ဘုန်းကြီးရယ်၊ မြတ် ထားရယ် ပေါ့။ ဒိုင်နာနဲ့သွားရတာကို ငါတော့ ပိုသဘောကျတယ်။ အကုန်လုံးစုထိုင်ပြီး သွားရတာဆိုတော့ စကားပြော လိုက် ရီလိုက် မောလိုက်နဲ့ ပိုပြီးအဆင်ပြေတယ်။ မီနီဘတ်စ် နဲ့ကျတော့ တစ်ယောက်တစ်ခုံဆိုတော့ စကားပြောရတာ အဆင်မပြေဘူး။ ခါတိုင်းဆို အစ်မကြီး ဒေါ်လှစိန် အမြဲပါနေကျ။ ခုတစ်ခေါက်တော့ သူ တရားစခန်းဝင်နေတာနဲ့ မလိုက် ဖြစ်ဘူး။ အဲဒီအစ်မကြီးဆို သိပ်ကျန်းမာရေးမကောင်းတဲ့ကြားက သွားတဲ့အခေါက်တိုင်း သူလိုက်တယ်။ ငွေအားရော၊ လူအားရော၊ တကယ့်ကို အားတက်သရောပဲဟေ့။ ပစ္စည်းဝေတာတို့ဘာတို့မှာလည်း သူ တောက်လျှောက် ၀င်လုပ်တာပဲ။
ကော့မှူးရောက်တော့ ၈ နာရီခွဲ။ ကော့မှူးမှာ ဆန်ဝေမဲ့ရွာကလူတွေ လာကြိုနေတယ်။ မျိုးမျိုးက တစ်ရက်ကြို သွားပြီး ဆန်အိတ်တွေ အရင်ဝယ်နှင့်၊ နောက်ပြီး နောက်နေ့ ငါတို့လာတော့ အဆင်သင့်ဝေနိုင်အောင်လို့ ကြိုစီစဉ်ထားနှင့် တာ။ ကော့မှူးကနေ ရွာကို စက်လှေနဲ့ တစ်နာရီလောက်မောင်းရတယ်။ လမ်းမှတွေ့တဲ့ရွာက လူတွေကိုလည်း ဝေသွား တာပေါ့။ မျိုးမျိုးက လုံချည်တွေ၊ အင်္ကျီ တွေသယ်လာလို့ အဲဒီအထည်တွေရယ်၊ နောက်ပြီး ပိုက်ဆံလည်းထည့်ဝေတယ်။
တို့ဆန်သွားဝေတဲ့ ရွာနာမည်က ညောင်ပင်သာရွာတဲ့။ တို့လည်း အချိန်ဆွဲမနေပဲ ရောက်ရောက်ချင်း ဆန်အိတ် တွေထားတဲ့ အိမ်မှာ ဝေဘို့ လုပ်ကြတယ်။ ဆန်က တစ်အိတ်ကို ၁၂၀၀၀ ဈေးဝယ်ရတယ်။ ဆန်ဝါတွေပါတယ်။ သိပ်မကောင်းလှဘူး။ ဒါပေမဲ့ အဲဒီဆန်တွေပဲ ရှိတယ်တဲ့။ လိုသေးလို့ နောက်ထပ် နည်းနည်းလောက် ထပ်ဝယ်ချင်သေး တာတောင် ၀ယ်လို့မရတော့ဘူး။ ခွဲလိုက်တော့ အိမ်ထောင်စု တစ်ခုကို သုံးပြည်ကျစီရတယ်။ အဲဒါနဲ့ ရသလောက်ပဲ အိမ်ထောင်စုအားလုံးကို ဝေပေးလိုက်တာပေါ့။ အိမ်ထောင်စု တစ်ခုကို ဝေပုံကျတစ်စု ရတာပေါ့ဟယ်။ တစ်ချို့ကျတော့ အိမ်ထောင်စု စာရင်းတစ်ခုထဲမှာ အိမ်ထောင်စု နှစ်ခုနေကြတော့ သူတို့ဘို့ မရရကောင်းလားလို့ ရန်တွေဖြစ်ကြလို့ဟေ့။ ဖြစ်ပုံက အဲဒီမိသားစုမှာ အိမ်ထောင်ကျသွားတဲ့သားက အိမ်မခွဲပဲ သူ့မိဘများအိမ်မှာပဲ ပေါင်းနေတယ်။ ဒီတော့ ရပ်ရွာက အလှူငွေစုတဲ့အခါဖြစ်စေ ရပ်ရွာအရေးတွေမှာ သူတို့က အနပ်တင်ပြီး မိသားစု နှစ်စုစာတော့မလုပ်ပဲ ဘာ အခု ရစရာရှိမှ မိသားစုနှစ်ခုစာ လိုချင်လို့ ဖြစ်မလဲ စသဖြင့်ပေါ့ဟယ်။ ရွာလူကြီးကတော့ အိမ်ထောင်စု စာရင်းပေါက်တဲ့အတိုင်း ဝေတာ ပေါ့။ အဲဒါ သူတို့မရလို့ဆိုပြီး ရန်လုပ်တာ။ ထားပါတော့။
ရွာကစာသင်ကျောင်းကလည်း အကုန် ဘာမှမကျန်အောင် ပြိုပျက်သွားတော့ စာသင်စရာနေရာမရှိဘူး။ အိမ်တွေမှာပဲ ခွဲသင်နေကြရတယ်။ သူငယ်တန်းက တစ်အိမ်၊ ၄ တန်းက တစ်အိမ်၊ ၅ တန်းက တစ်အိမ် စသဖြင့်ပေါ့။ ၆ တန်းနဲ့ ၇ တန်းကတော့ ဘုန်းကြီးကျောင်း ဇရပ်မှာ သင်နေတာ တွေ့ရတယ်။ လယ်တွေပြီးကြပြီလား လို့မေးကြည့်တော့ အတော်များများ မပြီးကြသေးဘူး။ အနည်းအကျဉ်းပဲ ပြီးသေးတယ်။ လယ်သမားတွေကို တစ်ယောက်ကို မျိုးစပါး ၄ တင်းခွဲ ပေးတယ်တဲ့။ ပေါက်တာပေါက်၊ မပေါက်တာမပေါက်ပဲလို့ ပြောတယ်။ အဲဒီရွာတွေကျတော့ ပင်လယ်နဲ့ နည်းနည်း ဝေးသွားလို့ လူအသေအပျောက်တော့ သိပ်မရှိဘူး၊ တစ်ယောက်ပဲသေတယ် လို့ပြောတယ်။ အိမ်တွေတော့ အကုန် ပျက်စီးကုန်တာပေါ့။ ဒါပေမဲ့ အိမ်တွေတော်တော်များများ ပြန်ဆောက်ပြီးကုန်ကြပြီ။ နေလို့ရရုံပေါ့။
ဒို့တွေ လေဘေးသွားလှူတယ်ဆိုတာ ကိုယ့်ထမင်းကိုယ် စားကြရတာပေါ့။ အနို့ သူတို့မှာလည်း ကိုယ့်ကျွေးဘို့ နေနေသာ သူတို့တောင်မှ စားစရာမရှိတာ။ နို့ပေမဲ့ အဲဒီရွာမှာတော့ ထမင်းချိုင့်လေးတွေနဲ့ လာပို့ကြတယ် ဟဲ့။ ဒို့လည်း အဲဒီထမင်းတွေပဲ စားလိုက်ကြတယ်။ အောင်မယ်၊ စားလို့အရမ်းကောင်းတယ်ဟဲ့။ ဒို့ရွာတွေဘက်က ချက်သလိုမျိုး။ ဒို့မှာ နေ့လည်စာဘို့ ဒန်ပေါက်တွေပါလာတယ်။ အပြန်မှ စားမယ်ဆိုပြီး ကားပေါ်မှာ ထားခဲ့ကြတာ။ အဲဒီရွာမှာ စားလိုက်ကြ တော့ ဒန်ပေါက်ထုပ်တွေ မစားဖြစ်တော့ဘူး ပေါ့။
ဆန်အားလုံးဝေပြီးတော့ ၁၀ နာရီခွဲနေပြီ။ နောက်တော့ ကော့မှူးကို ပြန်လာကြတယ်။ အဲဒီကမှ ငှက်အော်စမ်း ကို သွား။ ငှက်အော်စမ်းမှာ ကားထားခဲ့ပြီး ညောင်တုန်းဆိုတဲ့ရွာကို ထော်လာဂျီနဲ့ ဆက်သွားကြတယ်။ အဲဒီရွာက လာကြို နေတာ။ ဆန်ကတော့ အရင်ရက်က မျိုးမျိုး ကြိုလာပြီး ၀ယ်ထားခဲ့တယ်။ လမ်းကလည်း ဆိုးလိုက်တာ မပြောပါနဲ့တော့။ လမ်းမှာ ထော်လာဂျီ နစ်နေရင် တို့က ခြေလျင်ဆင်းလျှောက်၊ ထော်လာဂျီကို ၀ိုင်းတွန်း။ လမ်းက မြေနီလမ်း။ တို့ရွာက နေ ထုံးပေါ်တို့၊ ကျီးပင်တို့ဘက်ကိုသွားတဲ့ ကျော(ကုန်းပြင်မြင့်)ပေါ်ကလမ်းမျိုးတွေ။ ချိုင့်တွေ ခွက်တွေနဲ့။ အဲဒီရွာက လူတွေက အဲဒီကျောပေါ်က ၀ါးပိုးဝါးတို့၊ သိုက်ဝါးတို့ကို ခုတ်။ လက်တွန်းလှည်းပေါ်တင်ပြီး လူအားနဲ့ ဆွဲကြတယ်။ အရမ်း ပင်ပန်းတာပေါ့ဟယ်။ လက်တွန်းလှည်းတစ်စီးကို တို့ဆီက ၀ါးဖောင်နှစ်ဖောင်စာလောက်(၀ါးအလုံး ငါးဆယ်ခန့်) ရှိတယ်။
ရွာကို နေ့ခင်း ၂ နာရီကျော်လောက်ရောက်ကြတယ်။ ဆန်ထုပ်တွေက အဆင်သင့်ဆိုတော့ ရောက်ရောက်ချင်း ပဲ ဆန်တွေ ဝေလိုက်ကြတယ်။ ဆန်ဝေပြီးတော့ အဲဒီကျောင်းက ဘုန်းကြီးဆီမှာ (ကပ္ပိယကပြောတာနဲ့) လက်ဖွဲ့တွေ တောင်းကြတယ်။ ငါလဲ ပေးတော့ ယူထားလိုက်တာပေါ့။ ညနေစာအတွက်ကတော့ မနက်က မစားဖြစ်လိုက်တဲ့ ဒန်ပေါက် တွေ ရှိသေးတာနဲ့ စားလိုက်ကြပြီး ညနေ ၅ နာရီလောက်မှာ ပြန်ခဲ့ကြတယ်။ အိမ်ကို ည ၈နာရီခွဲလောက် ပြန်ရောက် တယ်။ ဒီခရီးကတော့ ရာသီဥတုကလည်းကောင်း၊ လမ်းကလည်း သိပ်မဆိုးလို့ အတော်အဆင်ပြေတယ်၊ သိပ် မပင်ပန်း ဘူး ဆိုရမယ်။
ညောင်တုန်းကျေးရွာ ဆန် ၅၀ အိတ် x ၁၂၀၀၀ = ၆၀၀၀၀၀
ညောင်ပင်သာကျေးရွာ ဆန် ၄၇ အိတ် x ၁၁၀၀၀ = ၅၁၇၀၀၀
စုစုပေါင်း = ၁၁၁၇၀၀၀ ကျပ်
အသေးစိတ် စာရင်းကို မူရင်းစာရင်း၌ သပ်သပ်ကြည့်ပါရန်။
(အလှူငွေအားလုံးကို ဆန်အိတ်ဝယ်ရာ၌သုံးပြီး အသုံးစရိတ်များကို မိမိတို့ဘာသာ ကျခံပါသည်။)
Kyats 5000 Fine! ဒဏ်ငွေငါးထောင်
5 years ago
No comments:
Post a Comment